Səhifə yüklənir. Bir az gözləyin...
  • Bizimlə əməkdaşlıq uğurun təməlidir.

    TETRADA MMC həkim və əczaçılara yüksək keyfiyyətli və müxtəlif çeşidli məhsullar təklif etməklə onların işini asanlaşdırır, bir növ uğur qazanmalarının təminatçısı olur.

  • TETRADA MMC

    İnsanların sağlamlığı bizim sevincimizdir Məlumat: Sağlamlığın qorunması və bərpasında yaxından iştirak etməyi özünə hədəf seçən TETRADA MMC müştəri məmnunluğunu əsas götürür və bütün fəaliyyətini bu istiqamətdə qurur.

  • Dabur Vatika Xina

    .

  • Müdrik insan ölüm haqqında deyil,həyat haqqında düşünməlidir

    .

  • Sağlam həyat,mənalı ömür

    Tetrada MMC

Şəffaflıq

Tetrada MMC

Stabillik

Tetrada MMC

Effektlik

Tetrada MMC

Novatorluq

Tetrada MMC

Xəbərlər
Süd vəzi xərçənginin diaqnostikasında yenilik...

Əsrin ən dəhşətli xəstəliklərindən olan xərçəngin müalicəsində daha bir addım atılıb. Xarici mətbuatın verdiyi məlumata görə, süd vəzi xərçənginin diaqnostikası üçün yeni cihaz hazırlanıb. İsrail şirkətlərindən birinin alimlərinin yeni ixtirası olan cihaz şişi rentgenin köməyi olmadan müəyyən edir. Düzdür, qadınların müntəzəm mammoqrafiya müayinəsi keçməklə bu xəstəlikdən vaxtından xəbər tutmaq şansları çoxdur. Ancaq yeni avadanlıq mammoqrafiyadan daha dəqiq nəticə verməsi ilə fərqlənir. Belə ki, mammoqrafiyada süd vəzi xərçəngi rentgen şüalarının köməyi ilə müayinə edilir. Bu proseduranın isə bir sıra çatışmazlıqları var idi. Bunlar arasında ilk olaraq isə nəticənin dəqiqliyini göstərmək olar. Bəzi hallarda isə mammoqrafiya süd vəzi xərçəngini erkən mərhələdə müəyyən etməyə imkan vermir və ya səhv nəticə verir. Yeni aparat isə xərçəngi müəyyən etmək üçün xüsusi uzunluğu olan infraqırmızı dalğalar ötürən mənbə ilə təchiz edilib. Bu da dərinin üzərindəki anomal termal siqnalları müəyyən edir. 2500 xəstə üzərində klinik təcrübə aparılıb. Onların 92 faizində xərçəngi dəqiq müəyəyn etmək mümkün olub. Mamoqrafiyada isə bu rəqəm 80 faiz olub. Müəlliflər Avropa Birliyi ölkələrində istifiadə edilməsi üçün ilin sonuna kimi aparataı qeydiyyata salacaqlarına ümid edirlər. Onların fikrincə ilkin mərhələdə yeni cihaz köhnə üsul olan mamoqrafiya ilə birlikdə istifadə ediləcək.

Yeni növ qaraciyər hüceyrəsi kəşf olunub!...

İnsan bədəninin orqanları arasında, qaraciyərin regenerasiyası (bərpası) xüsusi yer tutur. Qaraciyərin özünü necə bərpa etdiyi uzun müddətdir ki, müzakirə mövzusu olmağa davam edir. İndi isə yeni tədqiqat onu göstərir ki, kəşf olunmuş yeni naməlum hüceyrə növü, qaraciyərdə şiş hüceyrəsi əmələ gətirmədən regenerasiya etmə bacarığına malikdir. Kəşf olunmuş bu hüceyrələrin regenerasiya bacarığı qaraciyər hüceyrələri kimi tanıdığımız hepatositlərin regenerasiya bacarığından daha güclüdür. Əvvəllər tədqiqatçılar, oval hüceyrələr kimi tanınan kök hüceyrələrinin, qaraciyərin regenerasiyaya cavabdeh olan hüceyrələrinə başlanğıc verdiyinə inanırdılar, ancaq bu ildən etibarən sübut olundu ki, bu kök hüceyrələri öd axarlarının inkişafına səbəb olur. California-San Diego Universiteti Tibb Fakultəsinin tədqiqatçıları, qaraciyər regenerasiyasının arxasında “hibrid” hepatositlərin durduğunu sübut etmişlər. Onların bu haqda məqaləsi “Cell” jurnalında dərc olunub. “Qaraciyər hibrid hepatositləri, nəinki qaraciyər bərpasında mühüm rol oynayır, o eyni zamanda, hüceyrə transplantasiyası etməklə qaraciyər çatışmazlığının qarşısını almaqda çox gözəl üsuldur” – deyə tədqiqat rəhbəri, Farmakologiya və Patologiya elmləri üzrə professor Michael Karin bildirib. Özündə güclü regenerasiya bacarığı olan bu “hibrid” hüceyrələr, sirroz və hepatit kimi xəstəliklərin - donordan alınmış qaraciyər toxumasını xəstəyə köçürməklə - müalicəsində effektiv üsuldur. Tədqiqatçılar karbon tetraxlorid adlı ekoloji toksinlə qaraciyər toxumasına induksiya etməklə, toxuma bərpası ilə məşğul olan hüceyrələri incələmişlər. Onlar qaraciyərin portal triadında hibrid hepatositləri kəşf etdilər. Qaraciyərin xroniki zədələnmələri zamanı, bu unikal hüceyrələr çoxalır və qaraciyər toxumasının bərpasına çalışırlar. Görünüşcə qaraciyər hüceyrələrinə bənzəsələr də, genetik xüsusiyyətlərinə görə öd axarı hüceyrələri ilə oxşardırlar. “Baxmayaraq ki, hibrid hepatositlər kök hüceyrələri deyil, ancaq indiyə qədər qaraciyər çatışmazlığının müalicəsində ən effektiv üsul kimi görünür.” – deyə tədqiqat üzvü Joan Font-Burgada bildirib. Hazırda bir çox tədqiqatçılar zədələnmiş qaraciyərin bərpası və qaraciyər çatışmazlığının qarşısını almaq üçün pluripotent kök hüceyrələri üzərində tədqiqatlar aparırlar. Zədələnmiş qaraciyər hüceyrələrini bərpa etmək üçün pluripotent kök hüceyrələrindən istifadə etmək çox çətindir, çünki bu hüceyrələr artıq öz fizioloji missiyalarını başa vurmuşlar. Həmçinin, pluripotent kök hüceyrələrindən istifadə artıqca xərçəng yaranma riskinin də artması danılmaz bir faktdır. “Qürurla deyə bilərik ki, hibrid hepatositlərdən qaraciyər köçürməsi zamanı istifadə olunması heç bir xərçəng riski daşımır!” – deyə professor Michael Karin əlavə edib.

Allergik astma haqqında tibbi yenilik!

UFZ (Helmholtz-Zentrum für Umweltforschung) tədqiqatçıları allergik astmaya səbəb olan molekulu tapıblar. Allergiya xüsusilə sənayenin inkişaf etdiyi ölkələrdə daha çox yayılıb. Allergik astma hal-hazırda geniş yayılmış allergiya növlərindən hesab olunur. UFZ (Helmholtz-Zentrum für Umweltforschung) təqdiqatçıları və onların Leipzig Universitetindən olan kolleqaları yuxarı tənəffüs yolunun allergiyasına səbəb olan proteini tapıblar. Kəşf olunmuş protein allergik astmanın müalicəsində yeni üsulların yaranmasına səbəb olacaq. Dünyada 300 milyondan artıq astma xəstəsi var. Ərtaf mühitin təsiredici faktorları sayəsində əmələ gələn astma xəstələrinin 10-15 faizini uşaqlar təşkil edir. Bu gün əlimizdə olan dərman preparatları ilə yalnız simptomatik müalicə aparmaq mümkündür, xəstəliyin etioloji müalicəsi isə hələki mümkün deyil. Xəstələrin nə üçün allergik astmadan əziyyət çəkdikləri bu günə qədər mütəxəssislərə məlum deyildi. UFZ laboratoriyasındakı İmmunologiya Bölümündən professor Tobias Polte və onun komandası Leipzig Universitetinin Klinik Dermotologiya, Venerologiya və Allerqologiya kafedrasından Jan Simon və onun komandası ilə iş birliyi edərək tədqiqatlar aparmış, allergik astmaya səbəb olan molekulu uğurla aşkar etmişlər. Bu haqda məqalə “Nature Communications” jurnalında dərc olunub. Sindekan-4 (Syndecan-4) proteinini onlar antigen daşıyan hüceyrələrin (APC – dentrit hüceyrələr, monositlər və s.) membranında tapıblar. Antigen daşıyan hüceyrələr ekzogen maddələri (antigen) aşkar edən hüceyrələrdir. APC bu antigenləri neytrallaşdırmaqla antigen determinantını hüceyrə membranına çıxararaq T hüceyrələrinə ötürürlər. Bu yolla müəyyən antigenə qarşı - polen allergenlərində olduğu kimi - immun reaksiya əmələ gəlmiş olur. Məhz polen allergenləri ilə təmasdan sonra allergik astmanın tipik simptomaları əmələ gəlir. “Bu araşdırmamızda biz Sindekan-4 proteinin APC-nin miqrasiyasında mühüm rol oynadığını aşkar etdik.” – deyə professor Polte bildirib. Sindekan-4 proteini çatışmadıqda APC antigen haqqında informasiyanı T hüceyrələrinə ötürə bilmir. Bunun nəticəsi olaraq, həmin antigenə qarşı hər hansı bir immun reaksiya yaranmır. Leipzig Universitetində aparılan araşdırmalarda tədqiqatçılar müəyyən etdilər ki, APC-də olan Sindekan-4 proteini iltihabi proses olan allergik astmada mühüm rol oynayır. Belə ki, siçana Sindekan-4-ə qarşı anticisim yeridildikdə, onun allergik astma simptomları daha da artmışdır. “Sidekan-4 allergik astmanın müalicəsində effektiv üsul olacaq” – professor Polte, “bu proteinin orqanizmə hansı əlavə təsir edəcəyini hələ tam müəyyən etməmişik” – deyə əlavə edib. Sindekan-4 proteini ilə iltihabi reaksiya olan allergik astma arasındakı əlaqəni daha geniş tədqiq edənə qədər, yaxın gələcəkdə də qlükokortikoidlərin və bronxodilatatorların istifadəsinin davam edəcəyi bildirilir. “Buna baxmayaraq biz tədqiqatımızın yekunu olaraq Sindekan-4 kimi çox vacib proteini aşkar etdik və inanırıq ki, bu kəşf yeni müalicə üsullarının yaranmasına yol açacaq.”

Şirkət yenilikləri
Keçidlər
»   Himalaya.az
»   Starlab.az
Rəhbərdən mesaj

Sağlam bədəndə sağlam ruh olar! (Platon) Xoş gördük, hörmətli izləyicilərimiz. Sizləri TETRADA MMC heyəti və şəxsən öz adımdan salamlayıram. Bildiyimiz kimi, bəşər tarixi qədər qədim olan əczaçılıq elmi min illərdir ən çətin anlarda insanların yanında olmuş, tibbi bilik və üsulları ilə müxtəlif xəstəliklərin müalicəsində yaxından iştirak etmişdir. Bəşər övladı hər sahədə olduğu kimi, əczaçılıq istiqamətində də daim axtarışlar aparmış, bu sənəti, bu elmi yeni-yeni kəşf və biliklərlə zənginləşdirmişdir. Qədim Mesopotomiya, Misir və Hindistan əczaçılığın beşiyi olmuş, orta əsrlərin başlanğıcında Yaxın Şərqin məşhur alimləri (xüsusən, türk, ərəb, və fars) bu sahəni xeyli inkişaf etdirmiş (İbn Sinanın “Tibbin qanunu” əsəri 5 əsr Qərbin stolüstü kitabı olmuşdur) və nəhayət, son dövrlərdə zəngin ənənədən faydalanan Avropa böyük uğurlara imza atmışdır. Qədim və orta əsrlərdə əczaçılıq sənəti dərmanların hazırlanması və xəstəliklərin müalicəsini özündə birləşdirirdi, yəni əczaçı eyni zamanda peşəkar həkim, Şərqlilərin dili ilə desək, Loğman idi. O Loğman ki, Şərq mədəniyyətində həm həkim idi, həm də müdrik insan sayılırdı, yəni vücudla yanaşı ruhun da təbibi idi. Nəhayət, elm və texnologiyanın inkişafı, biliklərin dərinləşməsi və zənginləşməsi elmlərin daxilində diferensiasiyanı gücləndirmiş, bir çox sahələr kimi, əczaçı və həkim peşələri də bir-birindən ayrılmışdır. Hətta dünyanın qloballaşması və böyük şirkətlərin istehsalla birlikdə elmi-tədqiqat müəssisələri funksiyasını yerinə yetirməsi fonunda bu sahənin marketinq istiqaməti də meydana gəlmişdir.

Şükürəli Cəfərov

Tetrada Komandası

5-ci mkr., 20 Yanvar küç. 14
+99412 430 80 51, +994 12 431 05 41, +994 12 431 59 24, +994 12 431 02 37